Voðalega er langt síðan jeg hef skrifað eitthvað hér inn á þetta annars vonlausa blogg. En jæja, það hefur verið mikið að gera, páskafrí, byggði mér herbergi niður í bílskúr, formattaði tölvuna. En jæja, annars er allt gott að frétta. Fór austur um páskana og skemmti mér í lágmenningunni. Skellti mér meira segja á sveitaball. Slæmt það. Hygg á kaup á hljómborðsyntha nú á næstu dögum til að bæta í græju safnið í nýsmíðaða herberginu mínu hér niðri. Fer líklega að hafa mig til í að skrifa eitthvað af alvöru hérna inn. En nú ætla jeg mér að láta hugann reika meðan jeg glugga í danska hommabók sem siðblindu námsáætlunargæjarnir láta okkur lesa.

Eftir að ofskynjanir seinustu helgi hurfu úr hugskotum mínum hefur fátt gerst. Annars reyndist það vera ágætishelgi. Ágætisskemmtun á Ali og Amour og brettamótið í gilinu var einnig ágætt. Ágætt. Mikið hefur verið að gera í skólanum nú seinustu viku fyrir páska. Kastað var í okkur nóg af verkefnum til að skila, og er ekkert nema gott um það að segja.
The Core.Jeg ákvað að koma við í kvikmyndahúsi í gærkveldi. Sá myndina The Core eða "Kjarninn" og er það vísun til kjarna jarðar. Það má líkja þessari ræmu við Armageddon og allar aðrar heimurinn-er-að-farast-sendum-flokk-myndarlegra-bandaríkjamanna-til-að-bjarga-honum-myndir. Það sem skilur þessa mynd frá hinum er að í þetta skiptið stafar hættan úr iðrum jarðar. Jeg get þó ekki sagt að jeg sjái eftir 375 krónunum(Menntaskóla afsláttur á miðvikudögum) sem jeg borgaði fyrir myndina. Það er eitt orð sem lýsir þessari mynd eflaust ágætlega, gagnrýnendafóður. Þetta er ein fjarstæðukenndasta mynd sem jeg hef séð. Myndin byggist á því að einhver bandarísk vopnaáætlun um að geta stjórnað jarðskjálftum fer úrskeiðis með þeim afleiðinum að KJARNI JARÐAR HÆTTIR AÐ SNÚAST. Þá er fengið nokkra myndarlega vísindamenn sem eiga að vera bestir á sínu sviði í heiminum til að fara í ferð niður að kjarnanum til að sprengja sprengjur og koma jörðinni aftur af stað. Öll vísindalega hliðin á þessari bíómynd er hin mesta þvæla og mæli jeg með því að fólk taki sig til og leiti að gagnrýni á þessa mynd á veraldarvefnum. Svo nátturulega líkt og í flestum bandarískum spennumyndum er gengið alltof langt til að halda fólki spenntu. Flestir vísindamannana sem deyja í myndinni deyja hetjudauða og dramatíkin er í hámarki nær allan tímann. Nenni varla lengur að tuða útaf þessari mynd, en þó að lokum hvet jeg alla til að sjá hana, þá á vcd eða einhverjum svipuðum gjaldfrjálsum miðli.

Jæja, ný helgi gengin í garð, enn ein vika af lífi mínu farin í vaskinn. Ak extreme snjóbrettamótið stendur víst yfir þessa helgi og ætla forgotten lores að spila einhverstaðar í tilefni að því. Í gær sá jeg all magnaðan atburð taka sér stað við miðbæjinn í gær. SS sveitir akureyrar, þessir á hvítu bílunum og svörtu búningunum sem stendur á lögregla ríkisins, gerðu sig tilbúna til að handtaka einhvern gaur. Gaurinn brást harkalega við og réðst að löggunni og fylgdi félagi óeirðarseggjarins fordæmi hans. Yfirvaldið náði þó yfirhöndinni eins og svo oft áður og maze-aði gaurinn, danglaði í hann með kylfu og henti honum inn í bíl. Félagi hans var skylinn eftir liggjandi í malbikinu. Þvílíkt drama! En jæja, heyrst hefur að Sveinn skrykkdansari hafi sést í ástarlotum með Rósu Manson. Vekur þetta upp viðbjóð hjá stórum hluta bæjarins. Einnig eru myndir væntanlegar af þessu atburð en þið getið fylgst með á Nautamjólkinni. Friður