Lifir Flatus?
Um helgina var skellt sér í suðurferð á tónleika guðföðurs sálartónlistar, David Hasselhoff.. Sú ferð gekk með eindæmum vel, þó nokkrum sinnum hafi syrt smá í álinn. Dæmi um álasyrtingar má nefna smá afskipti af laganna vörðum á heimleiðinni, ofurþreytu, áttablinda og fleira. Sverrir ætlar sér nú á næstu dögum að koma með sögur úr ferðinni handa lesöndum(endur kunna ekki að lesa!!!) svo haldist túnuð. Uhhhh..
Hópur áhugamanna um vísindi og hverskonar fræðimennsku, Einsteinvarekkimaðurhannvarfrumefni klúbburinn, mun brátt birta hér sína fyrstu reglu í rökfræði, regluna um hið algilda hundraðþúsund. Hefur regla þessa og yfirnáttúrulega torskiljanlegar rökfærslurnar sem er að finna í sönnuninni kollvarpað fyrri hugsunarhætti okkar og nálgun okkar til talnaheimsins, og skilið vísindaheiminn eftir á reiðiskjálfi. Þar til næst, StefánSemátKexfráHestáFlestá

Í sálum fólksins taka þrúgur reiðinnar að vaxa og dafna, og verða þungar - verða þungar og reiðubúnar til uppskeru (enginn skyrbjúgur þar á bæ).

..

.. Jeg er svangur..

Stundum skipta litlu hlutirnir í lífinu öllu máli. Einn lítill hlutur fært einn lítinn einstakling langleiðina til hamingju. Týndur í klisjunni? Tökum dæmi. Ef jeg, Strákur, fengi staðfestingu á því að bærinn Uppsalir, eða öllu heldur nafnið sem honum var gefið, ætti að vísa til ælu, þá gæti jeg sofnað ánægður maður. Reyndar myndi jeg líkast til vakna jafn fúllyndur og fyrri daginn, en kannski eru þessi litlu augnablik hamingju það eina sem lífið hefur að bjóða. Lífið hefur að bjóða.. Hljómar eins og lífið sé vændiskona..
Einnig myndi það gleðja lítið hjarta í litlu brjósti, ef eftirfarandi tíðkaðist í verslunum. Ef að það sem væri uppselt.. Væri í rauninni ennþá til og fáanlegt.. Væri enn til staðar á lagernum en það væri einungis einn hængur á.. Einhver hrotti hefði reynt að borða vöruna, mistekist og mallakúturinn gert uppreisn, og selt upp vörunni á ný. Uppseld peysa.. Uppseld pylsa.. Uppseldur Volkswagen Golf.. Nú eða Polo..
Seinasta óskin, nei krafan, sem jeg er hér að reyna að lauma til almættisins er að enska hugtakið sell out, sem svo margir þekkja, væri í rauninni sell up. Því þá gætum við klakabúar nefnilega gantast myrkranna á milli, og talað um að æla þegar fólk seldi sína eigin sannfæringu fyrir fjármuni eða annað slíkt.

..

.. Mér er óglatt..