Jeg leita stöðugleika en í heiminum sem við lifum í ríkir óreiða
tímar breytinga, tækni fleygir fram, en finnum þó enn til sama tómleika
þó reyndar lífsgæðin aukist stöðugt og batni útlitið
velmegun vex en samstíga virðist vaxa þunglyndið
sífellt eykst eirðarleysið, fólk missir fótfestu í þessu öngþveiti
þegar streitan til sín segir fer að vera auðveldara að falla í freistni
af valmöguleikum er skítnóg en af skornum skammti er hamingja
í boði er nóg af gleðigjöfum, en það sem er verra, þeir endast aðeins til skamms tíma
svo jeg reyni að halda minni ró, og ekki eltast við þessi villiljós
en staðfestan firnist fljótt, og áður en jeg veit af hef jeg brugðið af minni slóð
hver láir mér það, við erum öll syndaselir, hver öðrum verri
svamlandi í sjó þar sem samhugur og siðgæði, eru á hverfanda hveli.
Skrítið hvernig í takt við framþróun virðist minnka manndómur
ungar stúlkur eru farnar að líkjast hórum áður en þær slíta barnskónum
heimsmynd manna brenglast æ meira og spilling er rótgróinn
jeg reyni að sýna stillingu, en það er erfitt þegar slíkur er heimsósóminn
svo jeg sletti hugsunum mínum á blað og jafnvel þó engu breyti það
er jeg bara feginn að, jeg hafi tónlistina til að fylgja mér lífsleiðina
mér er sama þó hrokafullir hræsnarar séu með diss útí mitt næsta lag
því fyrir mig, að skrifa vers og flæða það, er það sem hleypir lífi í æðarnar

seinna vers úr einhverju lagi.

Jæja, þá er maður enn aftur byrjaður að blogga. Það er ágætt.
Hiphop hljómsveit skipuð mér(Stefáni), Hákoni, öðrum Stefáni, Sverri og Margeiri hélt sína fyrstu tónleika nú síðastliðið föstudagskvöld í Kvos Menntaskólans á Akureyri. Hitað var upp fyrir Forgotten Lores, sem er sú íslenska hiphop hljómsveit sem jeg held hvað mest uppá, og komu þeir með alveg frábært show. Eftir tónleikana var svo partí á Dátanum, þar sem B-Ruff, Beatmakin troopa og Dj Coma héldu uppi fjöri auk þess sem allavega tveir rapparar, Class B og Aess, gripu í hljóðnema. Einhverjir sem höfðu svo ekki vit á því að fara að sofa eftir Dátann lentu í eftirpartí á Hótel Kea.
Á döfinni hjá hljómsveitinni er svo að semja, taka upp, finna nafn og halda aðra tónleika sem fyrst. Byrjað er að tala um að leigja stað með félögum úr Kingstone einhvertíman í maí.
Tilvitnun dagsins er frá forseta okkar Ólafi Ragnari Grímssyni: ,, Með fullri virðingu fyrir Vestmanneyjum, þá er það enginn balletbær". Vonum að jeg hafi náð þessu rétt svo jeg þurfi ekki að óttast ákærur.
Plata dagsins er nýja Beanie Sigel platan, the B coming, ekki oft sem jeg fíla mainstream plötur svona vel. Og tilvitnun af henni:
Play your cards, go against all odds/ shoot for the moon, if you miss, you're still amongst those stars.